தேங்காபட்டணம் பகுதியில் திடீர் கடல் சீற்றம் 

குமரி மாவட்டத்தில் தென்மேற்குப் பகுதியில் தேங்காப்பட்டணம் கடற்கரை அமைந்துள்ளது. இந்த கடற்கரையை தொட்டு முள்ளூர்துறை, ராமன் துறை, இனயம் -புத்தன்துறை, சின்னத்துறை, இனயம் ஆகிய கடற்கரை கிராமங்கள் அமைந்துள்ளது.  இந்த கடற்கரை கிராமங்களில் ஆண்டுதோறும் ஏப்ரல், மே, ஜூன், ஜூலை மாதங்களில் கடலில் கடல் கொந்தளிப்பு ஏற்பட்டு கடலலை வீடுகளுக்கு புகுவதும், வீடுகளை இழுத்து செல்வது தொடர்கதையாக நடந்தது.      தற்பொழுது தேங்காப்பட்டணம் மீன்பிடித்துறைமுகம் கட்டுமான பணியை தொடர்ந்து ராமன் துறை புத்தன்துறை போன்ற கடற்கரை கிராமங்களில் தடுப்பு சுவர் அமைக்கப்பட்டுள்ளதால் கடல் கொந்தளிப்பு குறைந்து வீடுகளுக்கு கடல் அலை புகுவதும் மிகவும் குறைந்து வந்தது.       இந்நிலையில் இன்று மாலையில் திடீரென ராமன்துறை, இனையம் சின்னத்துறை கடற்கரை கிராமங்களுக்குள் தடுப்புச் சுவரின் தாண்டி கடலலை வீடுகளுக்குள் புகுந்தது. இதனால் பல பகுதிகள் சேதம் அடைந்தது. உடனே மேற்படி மீனவ கிராமங்களை தேங்காய்பட்டணம் மீன்பிடி துறைமுக உதவி இயக்குனர் அஜீத் ஸ்டாலின், உதவி செயற்பொறியாளர் மகேந்திரன் ஆகியோர் பார்வையிட்டனர். உடன் இனயம் புத்தன்துறை ஊராட்சி காங்கிரஸ் தலைவர்  ஸ்டாலின் உட்பட பலர் கலந்து கொண்டனர்.