பெருந்துறை கூட்டுறவு விற்பனை சங்கத்தில் கொப்பரைத் தேங்காய் ஏலம்

பெருந்துறை வேளாண்மை உற்பத்தியாளர்கள் கூட்டுறவு விற்பனைச் சங்கத்தில் ரூ. 3.59 கோடிக்கு நேற்று கொப்பரை விற்பனை நடைபெற்றது.பெருந்துறை வேளாண்மை உற்பத்தியாளர்கள் கூட்டுறவு விற்பனைச் சங்கத்தில் வாரந்தோறும் சனி மற்றும் புதன்கிழமைகளில் கொப்பரை ஏலம் நடைபெற்று வருகிறது.அதன்படி, நேற்று நடைபெற்ற ஏலத்துக்கு மொத்தம் 4,924 மூட்டை கொப்பரைகளை சுற்றுவட்டாரப் பகுதி விவசாயிகள் கொண்டு வந்துருந்தனர். அதில், முதல் தரக் கொப்பரைகள் 2,185 மூட்டைகள் வரப் பெற்றிருந்தன. அவை குறைந்தபட்ச விலையாக கிலோ ரூ. 170.00க்கும், அதிகபட்சமாக ரூ. 183.55க்கும் விற்பனையாகின.இரண்டாம் தரக் கொப்பரைகள் 2,739 மூட்டைகள் கொண்டு வரப்பட்டிருந்தன.அவை குறைந்தபட்சமாக கிலோ ரூ. 36.99க்கும், அதிகபட்சமாக ரூ. 180.19க்கும் விற்பனையாகின. மொத்தம் 2 லட்சத்து 15 ஆயிரம் கிலோ எடையிலான கொப்பரைகள் விற்பனையாகின. இவற்றின் மொத்த விற்பனை மதிப்பு ரூ. 3 கோடியே 59 லட்சம் ஆகும் என விற்பனைக் கூடக் கண்காணிப்பாளர் தெரிவித்தார்.