நடிகர் சூரியின் படத்திற்கு பாலாபிஷேகம் செய்த ரசிகர்கள்.

திரைப்பட இயக்குனர் பிரசாந்த் பாண்டியராஜ் இயக்கத்தில் நடிகர் சூரி,ஐஸ்வர்யா லட்சுமி ராஜ்கிரண் உள்ளிட்ட பலரும் நடித்த மாமன் திரைப்படம் இன்று (மே.16) தமிழகம் முழுவதும் உள்ள திரையரங்குகளில் வெளியாகி ஓடிக்கொண்டிருக்கிறது. அதனை நடிகர் சூரியின் ரசிகர்கள் கொண்டாடி வருகின்றனர். இந்த நிலையில் மதுரை திருநகரிலுள்ள தேவி கலைவாணி திரையரங்கில் மாமன் திரைப்படம் வெளியாவதை தொடர்ந்து அவரது ரசிகர் மன்றத்தின் கொடியை ஏந்தியவாறு பெண்கள் பால்குடம் எடுத்து திருநகர் 4வது பேருந்து நிறுத்தத்தில் இருந்து பட்டாசுகள் வெடித்து மேள தாளங்களுடன் ஊர்வலமாக வந்து திரையரங்கில் வைக்கப்பட்ட சூரியின் பேனருக்கு பாலாபிஷேகம் செய்தனர். இதில் ரசிகர்கள் மாமன் பட போஸ்டர்கள் ஒட்டப்பட்ட ஷேர் ஆட்டோக்களில் பேரணியாக சென்றனர்.