கோவை: தொழிற்பயிற்சி நிலையத்தில் சேர விண்ணப்பிக்கலாம்

கோவை அரசு தொழிற்பயிற்சி நிலையத்தில் (ஐ.டி.ஐ.) 2025-ம் ஆண்டிற்கான பயிற்சியாளர்கள் சேர்க்கைக்கு விண்ணப்பங்கள் www.skilltraining.tn.gov.in இணையதளம் மூலம் 19-ம் தேதி முதல் பெறப்பட்டு வருகிறது. 8-ம் வகுப்பு மற்றும் 10-ம் வகுப்பு தேர்ச்சி பெற்றவர்கள் தகுதியுடன் விண்ணப்பிக்கலாம். ஆண்கள் 14-40 வயதுக்குள் இருக்க வேண்டும்; பெண்களுக்கு வயது வரம்பில்லை. இங்கு எலக்ட்ரீசியன், மோட்டார் வாகன மெக்கானிக், பிட்டர் உள்ளிட்ட 2 ஆண்டு கோழ்சுகள், உணவு தயாரித்தல், இன்டீரியர் டிசைன் போன்ற 1 ஆண்டு கோர்சுகள், டிரோன் பைலட், ஏர்கிராப்ட் போன்ற 6 மாத கோர்சுகளும் உள்ளன. பயிற்சியாளர்களுக்கு இலவசமாக புத்தகங்கள், சைக்கிள், சீருடை, பஸ் பயண அட்டை, ரூ.750 உதவித்தொகை வழங்கப்படும். கூடுதலாக, முன்னணி நிறுவனங்களில் வேலைவாய்ப்பும் ஏற்பாடு செய்யப்படும் என்று தொழிற்பயிற்சி நிலைய முதல்வர் யா.லீமாரோஸ் இன்று வெளியிட்டுள்ள செய்தி குறிப்பில் தெரிவித்துள்ளார்.