அக்னி நட்சத்திர நிவர்த்தி பரமேஸ்வரருக்கு சிறப்பு பூஜை.

பரமத்தி வேலூர். மே. 28: நாமக்கல் மாவட்டம் பரமத்தி வேலூர் தாலுகா பாண்டமங்கலம் அருகே உள்ள கோப்பனம்பாளையம் அரசாயி அம்மன் கோவிலில் அமைந்துள்ள பரமேஸ்வரருக்கு அக்னி நட்சத்திர நிவர்த்தியை முன்னிட்டு சிறப்பு பூஜை நடைபெற்றது. முன்னதாக பரமேஸ்வரருக்கு பல்வேறு வாசனை திரவியங்கள் கொண்டு சிறப்பு அபிஷேகம் நடைபெற்றது. அதனைத் தொடர்ந்து சிறப்பு அலங்காரத்தில் மகாதீப ஆராதனை நிகழ்ச்சி நடைபெற்றது. இந்நிகழ்ச்சியில் பாண்டமங்கலம் மற்றும் அதன் சுற்றுவட்டார பகுதிகளைச் சேர்ந்த பொதுமக்கள் கலந்து கொண்டு சுவாமி தரிசனம் செய்தனர்.