கோவை: நடமாடும் மண் பரிசோதனை வாகனம் துவங்கி வைப்பு !

கோவையில், விவசாயிகளுக்கு மண் பரிசோதனையை எளிதாக்கும் வகையில், தேசிய வேளாண்மை வளர்ச்சி திட்டத்தின் கீழ் 75 லட்சம் மதிப்பிலான நடமாடும் மண் பரிசோதனை வாகனம் அறிமுகப்படுத்தப்பட்டுள்ளது. மாவட்ட ஆட்சியர் பவன்குமார், ஆட்சியர் அலுவலக வளாகத்தில் இந்த வாகனத்தை இன்று தொடங்கி வைத்து பார்வையிட்டார். இந்த நிகழ்வில் அரசுத் துறை அதிகாரிகளும், பலரும் கலந்து கொண்டனர். வேளாண் துறை அதிகாரிகள் இந்த புதிய முயற்சி குறித்து விளக்கமளித்தனர். விவசாயிகள் தங்கள் நிலத்தின் மண் வளத்தை அறிந்து அதற்கேற்ப உரமிடுவதன் மூலம் நல்ல மகசூலை பெற முடியும். இந்த நடமாடும் மண் பரிசோதனை வாகனம், விவசாயிகளை தேடிச் சென்று மண் மாதிரிகளை சேகரித்து பரிசோதனை செய்யும். இந்த நடமாடும் மண் பரிசோதனை வாகனம் விவசாயிகள் தங்கள் மண் வளத்தை அறிந்து, சரியான உர மேலாண்மையை மேற்கொள்வதற்கு பெரிதும் உதவும் என எதிர்பார்க்கப்படுகிறது.