வனங்களின் ராஜா மீண்டும் வனத்திற்கு திரும்பினான்!

வனங்களின் ராஜா மீண்டும் வனத்திற்கு திரும்பினான்! — ஊட்டி, கேத்தி, எமரால்டு பகுதிகளை விட்டு ஒற்றை யானை பாதுகாப்பான பயணத்திற்கு திரும்பியது கடந்த சில நாட்களாக ஊட்டி, கேத்தி, எமரால்டு போன்ற மலையக குடியிருப்புப் பகுதிகளில் அவ்வப்போது தோன்றி பரபரப்பை ஏற்படுத்திய ஒற்றை யானை, இன்று அதன் இயல்பான வாழ்விடமான கெத்தை காட்டுப்பகுதிக்குள் பாதுகாப்பாக திரும்பியுள்ளது . இந்த மகிழ்ச்சியான செய்தி, பொதுமக்களிடையே நிம்மதியை ஏற்படுத்தியுள்ளது மட்டுமல்லாமல், வனத்துறையின் அர்ப்பணிப்பையும் எடுத்துக்காட்டுகிறது. சுற்றித்திரிந்த யானையின் பயணம் ஊட்டி மற்றும் சுற்றுவட்டாரப் பகுதிகளில் கடந்த சில வாரமாகக் காணப்பட்ட இந்த ஒற்றை யானை, பொதுமக்களின் இடையே அச்சத்தை ஏற்படுத்தியது. சில நேரங்களில் நகர்ப்புறப் பகுதிகளுக்குள் புகுந்து வீதிகளில் சுற்றித் திரிந்ததால் போக்குவரத்தில் இடையூறுகள் ஏற்பட்டன. விவசாய நிலங்கள், தோட்டங்கள் மற்றும் வீடுகளுக்கு அருகிலும் யானையின் காட்சிகள் பதிவாகியது. இவ்வாறு மனிதர்கள் அதிகம் கூடிய பகுதிகளில் யானை நுழைந்ததையடுத்து, வனத்துறை மிகுந்த கவனத்துடன் கண்காணிப்பு நடவடிக்கைகளை துவக்கியது. டிரோன் காமிராக்கள், ரேஞ்சர்கள் மற்றும் வனக்காவலர்களின் ஒருங்கிணைந்த உழைப்பின் மூலம் யானையின் திசைமாற்றம் மிக எச்சரிக்கையுடன் மேற்கொள்ளப்பட்டது. பாதுகாப்பான வழியில் காட்டுக்குள் திரும்பியது நேற்று இரவு ஒற்றை யானை தற்போது அதன் பூர்வ வனப்பகுதியான நீலகிரியின் எல்லையான கெத்தை காட்டுப் பகுதியில் நுழைந்து விட்டது இது அதன் இயற்கையான வாழ்விடம். யானை எந்த அளவிலும் சிரமமடையாமல், வெறுப்படைந்த நிலைக்கு செல்லாமல் அதன் வசிப்பிடத்திற்கு திரும்பியது என்பது மிகப் பெரிய வெற்றியாகும்.” வன ஆர்வலர்கள் மக்கள் நிம்மதி இயற்கை வனவிலங்குகளின் நகர்வுகள் என்பது இயற்கையின் ஒரு பகுதியாக இருந்தாலும், மக்கள் வாழும் இடங்களுக்குள் அவை நுழையும் போது ஏற்படும் விளைவுகள் பெரிதாக இருக்கலாம். இந்த சூழ்நிலையில் யானையை வனப்பகுதிக்குள் திருப்பிச் செல்லும் வனத்துறையின் முயற்சி பாராட்டுக்குரியது. பொதுமக்கள், சுற்றுச்சூழலியலாளர்கள் மற்றும் வனவிலங்கு ஆர்வலர்கள் இதைப் பாராட்டியுள்ளனர். “விலங்குகளுக்கு அவர்கள் இயற்கையான சூழலை மீண்டும் வழங்குவது என்பது மனிதரின் பொறுப்பாக இருக்கிறது. வனத்துறை இந்த முயற்சியில் மிகச் சிறப்பாக செயல்பட்டுள்ளது,” என ஒரு சுற்றுச்சூழல் வன ஆர்வலர்கள் கருத்து தெரிவித்தனர்