விம்ஸ் அலைடு ஹெல்த் சயின்ஸ் கல்லூரியில்

விநாயகா மிஷனின் விம்ஸ் வளாக அலைடு ஹெல்த் சயின்ஸ் கல்லூரியின் கதிரியக்கவியல் பிரிவின் மூலம் தொழில் துறை சார்ந்த திறன் மேம்பாட்டு பயிற்சி கல்லூரி வளாகத்தில் நடந்தது. கல்லூரியின் முதல்வர் செந்தில்குமார் முன்னிலை வகித்து பேசினார். சிறப்பு அழைப்பாளராக புஜி பிலிம் ஹெல்த் கேர் இந்தியா நிறுவன மூத்த மருத்துவ பயன்பாட்டு நிபுணர் இந்து கலந்து கொண்டு கதிரியக்கவியல் துறையில் பயன்படுத்தப்படும் மேம்பட்ட தொழில்நுட்ப எந்திரங்கள், உபகரணங்கள் குறித்து மாணவர்களுக்கு பயிற்சி வழங்கினார். இதில் கதிரியக்கவியல் துறையை சேர்ந்த மாணவர்கள் பங்கேற்றனர். பயிற்சியில் பங்கேற்ற அனைவருக்கும் சான்றிதழ் வழங்கப்பட்டது. தொடர்ந்து துறையின் ஒரு வருட செயல்பாடு, மாணவர்களின் சாதனைகள், சிறப்பு கட்டுரைகள் அடங்கிய புத்தகம் வெளியிடப்பட்டது. கல்லூரியின் கதிரியக்கவியல் பிரிவின் பொறுப்பாளர் பேராசிரியை கலைவாணி நன்றி கூறினார். இதற்கான ஏற்பாடுகளை உதவி பேராசிரியர்கள் ஆண்டனி ரூபன், அல்போன்ஸ், ஆண்டனி காட்ஸன், தங்ககுமரன் மற்றும் நிஷா ஆகியோர் செய்திருந்தனர்.