அரசு மருத்துவமனை கண்ணாடி உடைப்பு

திண்டுக்கல் மாவட்டம், எரியோடு அருகே ஒத்தக்கடை பகுதியைச் சோ்ந்தவா் விஜயராகவன் (30). இவா், புதுரோடு பகுதியில் உள்ள தனியாா் நிறுவனத்தில் பணிபுரிந்து வருகிறாா். இவரது மனைவி விசித்திரா (25). தனது பிறந்தநாளை முன்னிட்டு எரியோட்டில் இறைச்சி வாங்கிவிட்டு இருசக்கர வாகனத்தில் புதன்கிழமை வீடு திரும்பிக் கொண்டிருந்தாா். திண்டுக்கல் குஜிலியம்பாறை பிரதான சாலையில் வைவேஸ்புரம் அருகே சென்றபோது, எதிரே வந்த இருசக்கர வாகனம் இவா் மீது மோதியது. இதில் பலத்த காயமடைந்த விஜயராகவன் நிகழ்விடத்திலேயே உயிரிழந்தாா். தகவல் அறிந்த எரியோடு காவல் நிலைய போலீஸாா் உடலை மீட்டு கூறாய்வுக்காக வேடசந்தூா் அரசு மருத்துவமனைக்கு அனுப்பிவைத்தனா். தகவல் அறிந்த விஜயராகவனின் உறவினா்கள், வேடசந்தூா் அரசு மருத்துவமனையில் திரண்டனா். அப்போது விஜயராகவனின் உடலைக் காண முடியாத ஆவேசத்தில் அவரது உறவினா்கள் இரும்புக் கம்பியால் பிரசவ வாா்டு கண்ணாடியை உடைத்தனா். அப்போது செவிலியா்கள், பத்திரிகையாளா்களையும் தாக்க முயன்றனா். இதனால் உடனடியாக பிரசவ சிகிச்சைப் பிரிவு, குழந்தைகள் சிகிச்சைப் பிரிவு மூடப்பட்டன. இதுகுறித்து மருத்துவா் சக்திதாரணி அளித்த புகாரின்பேரில் வேடசந்தூா் போலீஸாா் 5 பேரிடம் விசாரித்து வருகின்றனா்.