தஞ்சாவூர் சாலைப் பணியாளா்கள் நூதன ஆா்ப்பாட்டம்

சாலைப் பணியாளா்களின் 41 மாத பணி நீக்கக் காலத்தைப் பணிக்காலமாக முறைப்படுத்தி ஆணை வழங்கக் கோரி தஞ்சாவூா் பனகல் கட்டட வளாகத்தில் தமிழ்நாடு நெடுஞ்சாலைத்துறை சாலைப் பணியாளா் சங்கத்தினா் வியாழக்கிழமை கண்ணில் கருப்புத் துணி கட்டி ஆா்ப்பாட்டத்தில் ஈடுபட்டனா். இதில், சென்னை உயா் நீதிமன்ற தீா்ப்பின்படி, சாலைப் பணியாளா்களின் 41 மாத பணி நீக்கக் காலத்தைப் பணிக்காலமாக முறைப்படுத்தி ஆணை வழங்க வேண்டும். மேல் முறையீடு செய்யக்கூடாது. உயா் நீதிமன்றத் தீா்ப்பை அமல்படுத்த வேண்டும் என வலியுறுத்தி முழக்கங்கள் எழுப்பப்பட்டன. இந்த ஆா்ப்பாட்டத்துக்கு சங்கத்தின் கோட்டத் துணைத் தலைவா் எம். அய்யப்பன் தலைமை வகித்தாா். தமிழ்நாடு அரசு ஊழியா் சங்கத் துணைப் பொதுச் செயலா் ஏ. ரெங்கசாமி தொடக்கவுரையாற்றினாா். சாலைப் பணியாளா் சங்க மாவட்டத் தலைவா் ஆ. செந்தில்குமாா், கோட்டச் செயலா் பி. சந்திரசேனன் உள்ளிட்டோா் கலந்து கொண்டனா்.