குட்டை கரையோரத்தில் நெகிழி கழிவுகளை அகற்றி சுத்திகரிப்பு !

கோவை மாவட்டம், காளப்பநாயக்கன் பாளையம் பகுதியில் உள்ள குட்டை கரையோரத்தில் நெகிழி கழிவுகளை அகற்றும் சுத்திகரிப்பு நடவடிக்கை நடைபெற்றது. இந்த சுற்றுச்சூழல் பாதுகாப்பு நடவடிக்கையை ஆணிவேர் அமைப்பு முன்வைத்து, திட்டமிட்டு ஒருங்கிணைத்தது. பொதுமக்களில் விழிப்புணர்வை ஏற்படுத்தும் நோக்கத்துடன் மேற்கொள்ளப்பட்ட இந்த களப்பணியில் பல்வேறு சமூக ஆர்வலர்கள், இளைஞர்கள் மற்றும் பொதுமக்கள் உற்சாகமாக பங்கேற்றனர். சுற்றுப்புற சுத்தம் மட்டுமின்றி, எதிர்கால தலைமுறைகளுக்கு தூய்மைமிக்க வாழ்விடம் வழங்கும் முனைப்புடன் மேற்கொள்ளப்பட்ட இந்த செயல், சமூகத்தில் சிறந்த முன்னுதாரணமாக அமைந்துள்ளது.