ஸ்கூட்டர் மீது லாரி மோதி முதியவர் பலி

குமரி மாவட்டம் சிராயன்குழி பகுதியை சேர்ந்தவர் பால்ராஜ் (68) இவரது இரண்டாவது மகள் அஸ்வினி என்பவரின் திருமணம் வருகிற செப்டம்பர் மாதம் நடக்க உள்ளது. இதற்கான திருமண அழைப்பிதழை அவர் உறவினர்கள் மற்றும் நண்பர்கள் கொடுத்து வந்துள்ளார். நேற்று பால்ராஜ் தனது ஸ்கூட்டரில் திருமண அழைப்பிதழ் கொண்டு சாமியார்மடம் சென்று கொண்டு இருந்தார். அப்போது அவரது ஸ்கூட்டர் மீது அந்த வழியாக வந்த லாரி மோதி விட்டு  நற்காமல் சென்று விட்டது. இதில் சம்பவ இடத்திலேயே பால்ராஜ் உயிரிழந்தார். தக்கலை போலீசார் அவர் உடலை மீட்டு வழக்கு பதிவு செய்து விசாரித்து வருகின்றனர்.