தக்காளி விலை குறைந்தது

ஈரோடு வ.உ.சி காய்கறி பெரிய மார்க்கெட்டிற்கு தாளவாடி, திருப்பூர், ஒட்டன்சத்திரம், ஆந்திரா போன்ற பல்வேறு பகுதிகளிலிருந்து காய்கறிகள் விற்பனைக்கு கொண்டுவரப்படுகிறது. தாளவாடி ஆந்திராவிலிருந்து வ. உ .சி மார்க்கெட்டுக்கு அதிக அளவில் தக்காளி விற்பனைக்கு கொண்டுவரப்படுகிறது. நாளொன்றுக்கு 5 ஆயிரம் முதல் 8 ஆயிரம் வரை தக்காளி பெட்டிகள் விற்பனைக்கு கொண்டுவரப்படுகிறது.ஆந்திராவில் இருந்து வரும் பெரும்பாலான தக்காளியில் சென்னைக்கு கொண்டு செல்லப்படுவதால் கடந்த சில நாட்களாக ஈரோடு வ.உ.சி மார்க்கெட்டிற்கு தக்காளி வரத்து குறைந்தது. இதன் காரணமாக கடந்த வாரம் தக்காளி விலை அதிகரித்து காணப்பட்டது.இந்நிலையில் இன்று வ உ சி மார்க்கெட்டிற்கு தக்காளி வரத்து அதிகரித்து காணப்பட்டது. வழக்கத்தை விட கூடுதலாக ஆயிரம் தக்காளி பெட்டிகள் அதிகமாக வந்ததால் கடந்த வாரத்தை விட இன்று தக்காளி விலை சற்று குறைந்துள்ளது. 14 கிலோ கொண்ட சிறிய பெட்டி கடந்த 10 நாட்களுக்கு முன்பு ரூ.400 ரூபாய்க்கு விற்கப்பட்ட நிலையில் இன்று ரூ. 300 ஆக . குறைந்துள்ளது இதே போல் 10 நாட்கள் முன்பு 26 கிலோ கொண்ட பெரிய தக்காளி பெட்டி ரூ.650-க்கு விற்கப்பட்ட நிலையில் இன்று ரூ.550-க்கு விற்பனையானது. சில்லரை விலையில் ஒரு கிலோ தக்காளி இன்று ரூ.25 முதல் 30 வரை குறைந்து விற்பனையானது. தொடர்ந்து வரத்து வருவதால் மேலும் தக்காளி விலை குறையும் என எதிர்பார்க்கப்படுகிறது.