போதைப்பழக்கத்திற்கு அடிமையாவதை தடுப்போம் என்று விழிப்புணர்வு

பாடாலூரில் உள்ள தனியார் கம்பெனியில் பணிபுரியும் மகளிரிடம் பெண் குழந்தைகளை பாதுகாப்போம், பெண் குழந்தைகளை படிக்க வைப்போம், பெண் குழந்தை திருமணத்தை எதிர்ப்போம், பாலின வன்முறையை தடுப்போம், போதைப்பழக்கத்திற்கு அடிமையாவதை தடுப்போம் என்று விழிப்புணர்வு ஏற்படுத்திய பெரம்பலூர் மாவட்ட காவல்துறையினர். * பெரம்பலூர் மாவட்ட காவல் கண்காணிப்பாளர் திரு.ஆதர்ஷ் பசேரா இ.கா.ப அவர்களின் உத்தரவின்படி இன்று (22.07.2025 ) (FINE AND FIT GARMENTS) கம்பெனியின் மேலாளர் திரு. வேல்முருகன், பெண்கள் மற்றும் குழந்தைகளுக்கு எதிரான குற்றங்கள் தடுப்பு பிரிவு ஆய்வாளர் திருமதி.மார்கிரேட் மேரி, சிறப்பு உதவி ஆய்வாளர் திரு.மருதமுத்து, மற்றும் (ONE STOP CENTER) Case Worker திருமதி.ஷீபா, ஆகியோர்கள் இணைந்து பாடாலூரில் உள்ள (FINE AND FIT GARMENTS) என்ற தனியார் கம்பெனியில் பணிபுரியும் மகளிரிடம் பெண்கள் மற்றும் குழந்தைகள் பாதுகாப்பு ஆகியவைகள் குறித்து, உறுதிமொழி எடுத்தும் விழிப்புணர்வு ஏற்படுத்தினார்கள்.

இந்த விழிப்புணர்வு நிகழ்ச்சியில் பேசிய *காவல்ஆய்வாளர் மற்றும் சிறப்பு உதவி ஆய்வாளர்கள் குழந்தை திருமணம், போக்சோ சட்டம், கல்வியின் முக்கியத்துவம், பெண்கல்வியின் அவசியம், பள்ளியில் இடைநின்ற மாணவ மாணவிகளை மீண்டும் பள்ளியில் சேர்ப்பது ஆகியவை குறித்து விரிவான விழிப்புணர்வு ஏற்படுத்தினார்கள். மேலும் கள்ளச்சாராயம், கஞ்சா போன்ற உயிருக்கு தீங்கு விளைவிக்கும் போதைப்பொருட்களை உபயோகிப்பதனால் ஏற்படும் தீமைகள் குறித்தும் அதனை அருந்தி உயிரிழப்பவர்களின் குடும்பங்கள் படும் துயரங்கள் குறித்தும் விழிப்புணர்வு ஏற்படுத்தினார்கள். மேலும் தங்களது பகுதிகளில் சட்டவிரோதமாக கள்ளச்சாராயம் கஞ்சா போன்ற போதைப்பொருட்களை விற்பனை செய்யும் நபர்கள் பற்றிய விவரங்கள் தெரிந்தால் காவல்துறையினருக்கு தகவல் தெரிவிக்கலாம் என்றும் தகவல் தெரிவிப்பவர்களின் முகவரி உள்ளிட்ட விவரங்கள் இரகசியம் காக்கப்படும் என்றும் விழிப்புணர்வு ஏற்படுத்தினார்கள். மேலும் ஒவ்வொரு காவல்நிலையங்களிலும் செயல்படும் இலவச உதவி எண்களான Women Help Desk 112 குழந்தைகளுக்கு எதிரான குற்றச்சாட்டுக்களை தெரிவிக்க 1098 பள்ளி குழந்தைகளின் பாதுகாப்பிற்காக செயல்படும் இலவச உதவி எண் 14417 முதியோர் உதவி எண்கள் 14567 ஒவ்வொரு காவல் நிலையத்திலும் செயல்படும் உதவி எண்களான சட்டவிரோத மது விற்பனை புகார் எண் 10581 பெண்கள் உதவி மையம் இலவச தொலைபேசி எண் 181 சைபர் கிரைம் உதவி எண்கள் 1930 ஒவ்வொரு பெற்றோர்களும் தங்கள் பிள்ளைகளுக்கு ஏற்படும் பிரச்சனைகள் குறித்து கேட்டறிந்து அதற்கான தீர்வினை வழங்க வேண்டும் என்றும் அவர்களிடம் விழிப்புணர்வு ஏற்படுத்தினார்கள். மேலும் பெற்றோர்கள் ஒவ்வொருவரும் தன் பிள்ளைகளுக்கு தொடுதல் குறித்த விழிப்புணர்வு (GOOD TOUCH BAD TOUCH) பற்றி கட்டாயம் எடுத்துரைக்க வேண்டும் என்றும் கூறினர்.