பிடிவாரண்டு பிறப்பித்து தேடப்பட்ட ரவுடி கைது

சேலம் சிவதாபுரம் பகுதியை சேர்ந்தவர் குமார் (வயது 45). இவர் மீது அன்னதானப்பட்டி மற்றும் பல்வேறு போலீஸ் நிலையங்களில் திருட்டு உள்பட பல்வேறு வழக்குகள் நிலுவையில் உள்ளன. இந்த வழக்கு விசாரணை சேலம் கோர்ட்டில் நடந்து வருகிறது. கடந்த 4 மாதமாக அவர் விசாரணைக்கு கோர்ட்டில் ஆஜராகாமல் தலைமறைவானார். அவரை பிடிக்க கோர்ட்டு பிடிவாரண்டு பிறப்பித்தது. இந்த நிலையில் அன்னதானப்பட்டி பகுதியில் சுற்றித்திரிந்த குமாரை, போலீசார் நேற்று கைது செய்து விசாரணை நடத்தி வருகின்றனர்.