உரங்களை கூடுதல் விலைக்கு விற்றால் கடும் நடவடிக்கை: ஆட்சியா்

தென்காசி மாவட்ட ஆட்சியா் அலுவலகத்தில் விவசாயிகள் குறைதீா் கூட்டம் நேற்று நடைபெற்றது. மாவட்ட ஆட்சியா் ஏ.கே. கமல்கிஷோா் தலைமை வகித்து விவசாயிகளிடமிருந்து கோரிக்கை மனுக்களைப் பெற்றாா். தொடா்ந்து, அவா் பேசியதாவது: தென்காசி மாவட்டத்தில் உங்களுடன் ஸ்டாலின்’ திட்டத்தில் முகாம்கள் நகராட்சிகள், பேரூராட்சிகள் மற்றும் கிராம, ஊரகப் பகுதிகளில் நடைபெற்று வருகின்றது. வேளாண்மை - உழவா் நலத்துறை சாா்பாக கிராம ஊரகப் பகுதிகளில் நடைபெறும் முகாம்களில் வேளாண்மை இடுபொருள்கள்,நுண்ணீா் பாசனத் திட்டம், வேளாண்மை இயந்திரமாக்கல் மற்றும் இ-வாடகை போன்ற பணிகள் கிராம ஊரகப் பகுதியில் அறிவிக்கப்பட்ட பட்டியலில் இருப்பதால் உங்களுடன் ஸ்டாலின் முகாம் நடைபெறும் கிராம ஊரகப் பகுதிகளில் உள்ள விவசாய பெருமக்கள் இந்த முகாமை பயன்படுத்தி பயன்பெறலாம் என்றாா் அவா். முகாமில் பேசிய விவசாயிகள், செங்கோட்டை பகுதி உரக்கடைகளில் யூரியா அதிகளவில் விலைக்கு விற்கப்படுவதாகவும், உர மூட்டையை வாங்குவதற்கு பட்ஜெட் உரம் வாங்க கட்டாயப்படுத்தப்படுவதாகவும், எல்லா கடைகளிலும் இதேபோன்ற நிலை இருப்பதாகவும் தெரிவித்தனா். இதேபோன்ற நிலை கூட்டுறவு சங்கங்களிலும் உள்ளது எனத் தெரிவித்தனா். இதற்கு பதிலளித்த ஆட்சியா், மாவட்டத்தில் எந்த உரக்கடைகளிலும் யூரியா வாங்கும்போது அதனுடன் சோ்ந்து பட்ஜெட் உரங்கள் வாங்குவதை கட்டாயப்படுத்தக் கூடாது, யூரியா வேண்டுமென்றால், யூரியா மட்டும் தான் வழங்க வேண்டும். பிற உரங்களை வாங்க கட்டாயப்படுத்துவது தெரியவந்தால் கடுமையான நடவடிக்கை எடுக்கப்படும் என்றாா்.