கோவை: சூறைக்காற்றால் மரம் விழுந்து பரபரப்பு !

கோவை ஓணாப்பாளையம் பகுதியில் இன்று மாலை ஏற்பட்ட சூறைக்காற்றால், விநாயகர் கோவிலுக்கு அருகே உள்ள பழமையான வேப்பமரம் நேற்று வேரோடு சாய்ந்து இருசக்கர வாகனத்தில் சென்ற பெண் கவிதா மற்றும் அவரது இளைய மகள்மீது விழுந்தது. மூத்த மகளை பள்ளியில் இருந்து அழைத்து வரும் வகையில் குழந்தையுடன் சென்ற போது இந்த விபத்து ஏற்பட்டது. இதில் இருவரும் படுகாயம் அடைந்தனர். அக்கம்பக்கத்தினர் அவர்களை மீட்டு மருத்துவமனைக்கு அனுப்பினர். விபத்து நேரம் பள்ளி முடிவுக்காலமானதால், போக்குவரத்து ஒரு மணி நேரத்திற்கு பாதிக்கப்பட்டது. பின்னர் மரம் அகற்றப்பட்டு போக்குவரத்து மீண்டும் வழமைக்கு வந்தது. இந்த சம்பவம் அந்தப்பகுதியில் பரபரப்பை ஏற்படுத்தியுள்ளது.