கோவை: சவுக்கு சங்கர் வழக்கில் பெண் சப்-இன்ஸ்பெக்டர் சாட்சியம் !

பெண் போலீசார் குறித்து அவதூறான தகவல்கள் பரப்பியதாக யூடியூபர் சவுக்கு சங்கர் மீது கோவை சைபர் கிரைம் போலீசார் வழக்குப்பதிவு செய்திருந்தனர். இந்த வழக்கு கோவை 4-வது மாஜிஸ்திரேட்டு நீதிமன்றத்தில் நேற்று விசாரணைக்கு வந்தது. சைபர் கிரைம் போலீசார் முன்பு இந்த வழக்கில் குற்றப்பத்திரிகையை தாக்கல் செய்திருந்தனர். குற்றச்சாட்டு பதிவு செய்யப்பட்டுள்ள நிலையில், நேற்று பெண் சப்-இன்ஸ்பெக்டர் நீதிமன்றத்தில் ஆஜராகி சாட்சியம் அளித்தார். விசாரணையை தொடர்ந்து வரும் செப்டம்பர் மாதம் 2-ஆம் தேதிக்கு ஒத்திவைத்து நீதிபதி அருண்குமார் உத்தரவிட்டார்.