கோவை: வாழைத்தார் வரத்து அதிகரிப்பு: கிணத்துக்கடவு மார்க்கெட்டில் விலை வீழ்ச்சி !

கிணத்துக்கடவு தினசரி காய்கறி சந்தையில் வாழைத்தார் வரத்து அதிகரிப்பு காரணமாக, பல்வேறு வகை வாழைத்தார்களின் விலை குறைந்துள்ளதாக தகவல் வெளியாகியுள்ளது. மார்க்கெட்டில் இன்று செவ்வாழை கிலோ ரூ.70, நேந்திரன் ரூ.30, ரஸ்தாளி ரூ.42, பூவன் ரூ.35, கதளி ரூ.35, சாம்பிராணி வகை ரூ.40 என விற்பனை செய்யப்பட்டன. கடந்த வாரத்துடன் ஒப்பிடுகையில், ரஸ்தாளி ரூ.6, பூவன் ரூ.2, சாம்பிராணி வகை ரூ.5, நேந்திரன் மற்றும் கதளி தலா ரூ.10 என விலை குறைந்துள்ளன. இதுகுறித்து வியாபாரிகள் கூறுகையில், கடந்த சில நாட்களில் வாழைத்தார் வரத்து அதிகரித்துள்ளது. இதன் எதிரொலியாக விலைகளில் குறைவு காணப்படுகிறது. பொதுமக்கள் தற்போது குறைந்த விலையில் நல்ல தரம் கொண்ட வாழைத்தார்கள் வாங்கும் வாய்ப்பு பெற்றுள்ளனர், என தெரிவித்தனர்.