சித்தா, ஆயுர்வேதா, யுனானி மற்றும் ஓமியோபதி - மருத்துவப் பட்டப் படிப்புகளுக்கான மாணவர் சேர்க்கை அறிவிக்கை 

அரியலூர், ஆக.6 - தமிழ்நாட்டிலுள்ள அனைத்து அரசு மற்றும் சுயநிதி, இந்திய மருத்துவம் மற்றும் ஒமியோபதி மருத்துவக் கல்லூரிகளில் உள்ள அரசு ஒதுக்கீட்டு இடங்கள், அகில இந்திய ஒதுக்கீட்டு இடங்கள் மற்றும் நிர்வாக ஒதுக்கீட்டு இடங்கள் அனைத்திற்கும், 2025-2026 ஆம் கல்வியாண்டிற்கான பி.ஏ.எம்.எஸ்/பி.எஸ்.எம்.எஸ்/பி.யு.எம்.எஸ்/பி.எச்.எம்.எஸ்/மருத்துவபட்டப்படிப்புகளுக்கான சேர்க்கை பெற அனுமதிப்பதற்கான இணையவழி விண்ணப்பங்கள் (Online Applications) தகுதியான நபர்களிடமிருந்து (ஒவ்வொரு ஒதுக்கீட்டு இடங்களுக்கும் தனித்தனி விண்ணப்பங்கள்) வரவேற்கப்படுகின்றன. பி.ஏ.எம்.எஸ்/பி.எஸ்.எம்.எஸ்/பி.யு.எம்.எஸ்/பி.எச்.எம்.எஸ் மருத்துவப் பட்டப்படிப்புகளுக்கான தகவல் தொகுப்பேட்டினை www.tnhealth.tn.gov.in. www.tnayushselection.org என்ற வலைதளங்களில் பதிவிறக்கம் செய்து கொள்ளலாம். இணையவழியில் மட்டுமே (Online Applications )  விண்ணப்பப் படிவங்கள் ஏற்றுக் கொள்ளப்படும். வேறு எந்த வழியிலும் பெறப்படும் விண்ணப்பங்கள் ஏற்றுக்கொள்ளப்படமாட்டாது. தேசியத் தேர்வு முகமையால் நடத்தப்பெறும் தேசிய தகுதி மற்றும் நுழைவுத் தேர்வு (இளநிலை மருத்துவம்) (Neet - UG)-2025- இல் பெற்ற மதிப்பெண்களின் அடிப்படையில் மட்டுமே பி.ஏ.எம்.எஸ்/ பி.எஸ்.எம்.எஸ்/ பி.யு.எம்.எஸ்/ பி.எச்.எம்.எஸ்/ மருத்துவபட்டப்படிப்புகளுக்கான சேர்க்கை நடைபெறும்.மாணவர் சேர்க்கைக்கு விண்ணப்பிக்கத் தேவையான தகுதிகள், விண்ணப்பக் கட்டணம் மற்றும் பிற கட்டண விவரங்கள், கலந்தாய்விற்கான அட்டவணை மற்றும் பிற தகவல்களினை www.tnhealth.tn.gov.in. www.tnayushselection.org என்ற வலைதளங்களில் உள்ள உரிய தகவல் தொகுப்பேட்டில் அறியலாம். விண்ணப்பிக்கும் முன் தகவல் தொகுப்பேட்டினை முழுமையாகப் படித்து சரியான தகவல்களைப் பதிவேற்றவும் மற்றும் தேவையான இடங்களில் அனைத்து அசல் சான்றிதழ்களின் PDF/JPEG வடிவில் பதிவேற்றவும்.விண்ணப்பக் கட்டணம், இணையவழி கலந்தாய்வுக் கட்டணம், கல்விக் கட்டண முன்பணம் இவை அனைத்தும் இணையவழி மூலமாக மட்டுமே செலுத்த வேண்டும். விண்ணப்பதாரர்கள் அரசு ஒதுக்கீட்டு இடங்கள், அகில இந்திய ஒதுக்கீட்டு இடங்கள் மற்றும் நிர்வாக ஒதுக்கீட்டு இடங்கள் ஒவ்வொன்றிற்கும் தனித்தனியாக விண்ணப்பிக்க வேண்டும்.மருத்துவப்படிப்புகளின் பிரிவுகள், காலம், கல்வித்தகுதி மற்றும் கல்லூரிகளின் விவரங்கள் பின்வருமாறு குறிப்பிடப்பட்டுள்ளது. படிப்புப் பிரிவுகள்  பி.ஏ.எம்.எஸ்/ பி.எஸ்.எம்.எஸ்/ பி.யு.எம்.எஸ்/ பி.எச்.எம்.எஸ்படிப்பிற்கான காலம் 5 1/2  ஆண்டுகள் மற்றும் படிப்பிற்கான கல்வித்தகுதி 10+2 (அறிவியல் பாடங்களில் தேர்ச்சி) கல்லூரிகளின் விவரங்கள்அரசு சித்தா மருத்துவக் கல்லூரிகள் - 02, இருக்கைகள் - 160, அரசு ஆயுர்வேதா மருத்துவக் கல்லூரி -01, இருக்கைகள்-60, அரசு யுனானி மருத்துவக் கல்லூரி-01, இருக்கைகள்-60, அரசு ஓமியோபதி மருத்துவக் கல்லூரி-01, இருக்கைகள் -50, சுயநிதி சித்தா மருத்துவக் கல்லூரிகள் -13, இருக்கைகள்-820, அரசு ஒமியோபதி மருத்துவக் கல்லூரிகள்-11, இருக்கைகள்-820, சுயநிதி மருத்துவக் கல்லூரிகளில் உள்ள இடங்களின் ஒதுக்கீட்டு விவரங்கள் அரசு ஒதுக்கீடு, அகில இந்திய ஒதுக்கீடு மற்றும் நிர்வாக ஒதுக்கீடு.மேற்குறிப்பிடப்பட்டுள்ள மருத்துவப்படிப்புகளுக்கு இணையவழி விண்ணப்பக் கட்டணம் அரசு ஒதுக்கீட்டு இடங்களில் OC, BC, BCM, MBC,/DNC பிரிவினருக்கு  ரூ.500/-, SC,SCA & ST பிரிவினருக்கும் கட்டணத்தொகை ஏதுமில்லை, அகில இந்திய ஒதுக்கீட்டு இடங்களில் (அனைத்து பிரிவினர்) ரூ.1000/-, நிர்வாக ஒதுக்கீட்டு இடங்களில்  (அனைத்து பிரிவினர்) ரூ.1000/-  செலுத்தப்பட வேண்டும்.அரசின் சிறப்பு ஒதுக்கீட்டின்கீழ் விண்ணப்பிக்க விருப்பமுள்ளவர்கள் மட்டும், இணைவழியில் விண்ணப்பித்த பிறகு அந்த விண்ணப்பத்தை பதிவிறக்கம் செய்து, கோரப்பட்டுள்ள அனைத்துச் சான்றிதழ்களின் சுய சான்றொப்பமிட்ட நகல்களையும் இணைத்து செயலாளர், தேர்வுக்குழு, இந்திய மருத்துவம் மற்றும் ஓமியோபதித் துறை ஆணையர் அலுவலகம், அறிஞர் அண்ணா அரசினர் இந்திய மருத்துவமனை வளாகம், அரும்பாக்கம், சென்னை-600 106 என்ற முகவரிக்கு 08.08.2025 மாலை 5.00 மணிக்குள் சமர்ப்பித்தல் / வந்து சேர வேண்டும். அரசின் சிறப்பு ஒதுக்கீட்டின் கீழ் விண்ணப்பித்த விண்ணப்பதாரர்களுக்கு கலந்தாய்வு நேர்முகமாக மட்டுமே நடைபெறும் மேலும் விண்ணப்பதாரர்கள் தங்கள் சொந்த செலவிலேயே வர வேண்டும். அறிவிக்கை நாள் 24.07.2025, தகவல் தொகுப்பேட்டினைப் பதிவிறக்கம் செய்ய 24.07.2025 முதல் துவங்கப்படுகிறது. இணையவழி விண்ணப்பம் பதிவு செய்ய 24.07.2025 முதல் துவங்கப்படுகிறது. தகவல் தொகுப்பேட்டினைப் 08.08.2025 மாலை 5.00மணி வரை பதிவிறக்கம் செய்து கொள்ளலாம். அரசு சிறப்பு ஒதுக்கீட்டின் கீழ் விண்ணப்பிக்க 08.08.2025 மாலை 5.00மணி வரை இணையவழி விண்ணப்பத்துடன் அனைத்து சுய சான்றொப்பம் சான்றிதழ்களுடன் தபால்/கூரியர் சேவை வாயிலாக சமர்ப்பிக்கவோ அல்லது நேரில் சமர்ப்பிக்கப்பட வேண்டும். பி.ஏ.எம்.எஸ்/ பி.எஸ்.எம்.எஸ்/ பி.யு.எம்.எஸ்/ பி.எச்.எம்.எஸ் பட்டப்படிப்புகள் கலந்தாய்வு குறித்த விரிவான விவரங்களுக்கு உரிய தகவல் தொகுப்பேட்டினைப் பார்க்கவும். எனவே, சித்தா, ஆயுர்வேதா, யுனானி மற்றும் ஓமியோபதி - மருத்துவப் பட்டப் படிப்புகளுக்கான மாணவர் சேர்க்கையினை மேற்கண்டவாறு விண்ணப்பிக்கலாம் என்று மாவட்ட ஆட்சித்தலைவர் பொ.இரத்தினசாமி தெரிவித்துள்ளார்..