உங்களுடன் ஸ்டாலின் முகாமில் நலத்திட்ட உதவிகள் வழங்கிய எம் எல் ஏ

செங்கல்பட்டு நகராட்சியில் உள்ள 10, 11,மற்றும் 12 வது வார்டு பொதுமக்களுக்காக தனியார் திருமண மண்டபத்தில் நடைபெற்ற உங்களுடன் ஸ்டாலின் திட்ட முகாமில் 13 துறைகள் சார்பில் 43 சேவைகளுக்கான விண்ணப்பங்கள் பொதுமக்களிடமிருந்து பெறப்பட்டன.இம்முகாமில் செங்கல்பட்டு சட்டமன்ற உறுப்பினர் வரலட்சுமி மதுசூதனன் பொதுமக்களிடமிருந்து கோரிக்கை மனுக்களை பெற்றுக்கொண்டு நலத்திட்ட உதவிகளை வழங்கினார். இந்நிகழ்ச்சியில், செங்கல்பட்டு நகர்மன்ற தலைவர் தேன்மொழி நரேந்திரன், செங்கல்பட்டு நகராட்சி ஆணையர் ஆண்டவன் ,தனி வட்டாட்சியர் தனலட்சுமி,செங்கல்பட்டு நகர கழக செயலாளர் ச. நரேந்திரன்,நகர மன்ற உறுப்பினர்கள், உள்ளாட்சி பிரதிநிதிகள், அரசு அலுவலர்கள் மற்றும் பொதுமக்கள் ஏராளமானோர் கலந்து கொண்டனர்.