ராமநாதபுரம் மீனவர்கள் வேலை நிறுத்தம்

ராமநாதபுரம்​இலங்கை கடற்படையின் அட்டூழியத்தால் ராமேஸ்வரம் மீனவர்கள் காலவரையற்ற வேலைநிறுத்தம்: 20,000க்கும் மேற்பட்ட மீனவர்கள் வேலை இழப்பு ​இலங்கை கடற்படையின் தொடர் கைது நடவடிக்கையைக் கண்டித்தும், இலங்கை சிறையில் உள்ள மீனவர்களை உடடியாக விடுதலை செய்யக் கோரியும், ராமேஸ்வரம் விசைப்படகு மீனவர்கள் இன்று முதல் காலவரையற்ற வேலைநிறுத்தப் போராட்டத்தைத் தொடங்கியுள்ளனர். ​இந்த வேலைநிறுத்தப் போராட்டம் காரணமாக, ராமேஸ்வரத்தில் உள்ள 600க்கும் மேற்பட்ட மீன்பிடி விசைப்படகுகள் கடலுக்குச் செல்லாமல் கரையில் நிறுத்தப்பட்டுள்ளன. இதன் காரணமாக, 20,000க்கும் மேற்பட்ட மீனவர்களும், ஒரு லட்சத்திற்கும் மேற்பட்ட மீன்பிடி சார்ந்த தொழிலாளர்களும் நேரடியாகப் பாதிக்கப்பட்டு வேலை இழந்துள்ளனர். ​இலங்கை கடற்படையினரின் தொடர் அத்துமீறல்களாலும், கைது நடவடிக்கைகளாலும் வாழ்வாதாரத்தை இழந்த மீனவர்கள், மத்திய, மாநில அரசுகள் உடனடியாக தலையிட்டு தங்களின் பிரச்சனைகளுக்குத் தீர்வு காண வேண்டும் என்று வலியுறுத்தி வருகின்றனர்.