ஆலங்குளத்தில் பைக்கில் கஞ்சா பதுக்கி விற்பனை: இளைஞா் கைது

தென்காசி மாவட்டம் ஆலங்குளம் காவல் உதவி ஆய்வாளா் சத்திய வேந்தன் தலைமையிலான போலீஸாா் ஆலங்குளம் மேற்குப் பகுதியில் வாகனத் தணிக்கையில் ஈடுபட்டிருந்தனா். அப்போது, பைக்கில் வந்தவரை தடுத்து நிறுத்தி சோதனையிட்டனா். அப்போது விற்பனைக்காக பைக்கில் 1 கிலோ கஞ்சாவை பதுக்கி வைத்திருந்ததும், அவா் ஆலங்குளம் காமராஜா் நகரைச் சோ்ந்த இசக்கிமுத்து மகன் முத்துராம் (28) என்பதும் தெரிய வந்தது. அவரை போலீஸாா் கைது செய்து, கஞ்சாவை பறிமுதல் செய்தனா்.