கள்ளக்குறிச்சி மாவட்ட கோரிக்கை மாநாடு

கள்ளக்குறிச்சி தனியார் மண்டபத்தில் மாநாட்டிற்கு தமிழ்நாடு வருவாய்த்துறை அலுவலர் சங்க மாவட்ட தலைவர் காதர்அலி தலைமை தாங்கினார். மாவட்ட ஒருங்கிணைப்பாளர்கள் தவமணி, செம்மலை, மாவட்ட உயர்மட்ட குழு உறுப்பினர்கள் இந்திரகுமார், நாகராஜன், அருள்ஜோதி, முன்னிலை வகித்தனர்.வருவாய் மற்றும் பேரிடர் மேலாண்மை துறையில் பணிபுரியும் அனைத்து ஊழியர்களுக்கும் தனி பாதுகாப்பு சட்டம் இயற்றுதல், காலிப்பணியிடங்களை நிரப்புதல், ஊழியர்களின் பணிச்சுமையை குறைத்தல், பணிகள் மேற்கொள்ள உரிய காலஅவகாசம் வழங்குதல், நில அளவைத்துறையில் பணிபுரியும் அனைத்து ஊழியர்களுக்கும் மேம்படுத்தப்பட்ட தனி ஊதியம் வழங்குதல், ஜூலை 1ம் தேதியை வருவாய்த்துறை தினமாக அறிவித்து அரசாணை வெளியிடுதல் உட்பட பல்வேறு கோரிக்கைகளை வலியுறுத்தி மாநாடு நடந்தது. வரதராஜன் நன்றி கூறினார்.