தீபாவளி பட்டாசுக்கடை அமைக்க தற்காலிக உரிமம் பெற விண்ணப்பிக்கலாம் 

தீபாவளிப் பண்டிகையையொட்டி, பட்டாசுக்கடை அமைத்திட விரும்புவோர், வெடிபொருட்கள் சட்டம், 1884 மற்றும் வெடிபொருட்கள் விதிகள், 2008-இன்படி, தற்காலிக உரிமம் பெறவேண்டும். மேலும், உரிமம் பெற விரும்புவோர், கடை அமைந்துள்ள கட்டடத்திற்கான வரைபடம், கடை அமைந்துள்ள இடத்தின் சட்டபூர்வ உரிமைக்கான ஆவணங்கள், முகவரிக்கான சான்று, அரசுக்கணக்கில் ரூ.500/-செலுத்தியதற்கான ரசீது ஆகியவற்றிற்கான நகல்களையும்,  பாஸ்போர்ட் அளவு புகைப்படத்தையும் இணைத்து, இணையவழியில்  (https://tnedistrict.tn.gov.in) 20.09.2025-க்குள் விண்ணப்பித்திட வேண்டும்.  20.09.2025-க்கு மேல் பெறப்படும் விண்ணப்பங்கள் ஏற்கப்படமாட்டாது என மாவட்ட ஆட்சித்தலைவர் பா.பிரியங்கா பங்கஜம் தெரிவித்துள்ளார்.