கோவை: விநாயகர் சிலை ஊர்வலம் முத்தண்ணன் குளத்தில் கரைப்பு !

கோவையில் இந்து அமைப்புகள் சார்பில் விநாயகர் சிலை ஊர்வலம் நேற்று நடைபெற்றது. இந்து முன்னணி, இந்து மக்கள் கட்சி, பாரத்சேனா மற்றும் அனுமன் சேனா போன்ற அமைப்புகள் இந்த நிகழ்வில் கலந்து கொண்டன. இந்து முன்னணி சார்பில் ஊர்வலம் தெப்பக்குளம் மைதானத்தில் தொடங்கி பூமார்க்கெட், சுக்கிரவார்பேட்டை, காந்திபார்க், தடாகம் ரோடு வழியாக முத்தண்ணன் குளத்தை அடைந்தது. ஊர்வலத்தில் பொதுமக்கள் ஆட்டம், பாடல்கள் மற்றும் இசைக்கருவிகளுடன் கலந்து கொண்டனர். இந்துமக்கள் கட்சி சார்பில் நிகழ்வை தேர்முட்டி திடலில் தொடங்கி, ராஜவீதி மற்றும் சுக்கிரவார்பேட்டை வழியாக முத்தண்ணன் குளத்தில் விநாயகர் சிலைகள் கரைக்கப்பட்டன. இந்த நிகழ்வில் பா.ஜனதா கட்சியின் முன்னாள் மாநில தலைவர் அண்ணாமலை, காடேஸ்வரா சுப்பிரமணியம் மற்றும் பல உள்ளூர் தலைவர்கள் கலந்து கொண்டனர்.