சூலூர் ரோட்டரி சங்கம் சார்பில் செயற்கை கால் வழங்கும் நிகழ்ச்சி – சட்டமன்ற உறுப்பினர் கந்தசாமி பங்கேற்பு !

கோவை மாவட்டம், சூலூர் பகுதியில் அமைந்துள்ள SRS திருமண மண்டபத்தில், ரோட்டரி சங்கம் சார்பில் மாற்றுத் திறனாளிகளுக்கு செயற்கை கால்கள் வழங்கும் சிறப்பு நிகழ்ச்சி நடைபெற்றது. செயற்கை கால்களின் தேவையால் அன்றாட வாழ்வில் சிரமப்படுவோருக்கு உதவும் நோக்கத்துடன் இந்த நிகழ்ச்சி ஏற்பாடு செய்யப்பட்டது. இதில், சூலூர் சட்டமன்ற உறுப்பினர் திரு. கந்தசாமி அவர்கள் சிறப்பு விருந்தினராக பங்கேற்று, பல பயனாளிகளுக்கு நேரடியாக செயற்கை கால்களை வழங்கினார். இந்த முயற்சி மாற்றுத் திறனாளிகளின் வாழ்வில் புதிய தன்னம்பிக்கை ஏற்படுத்தும் வகையில் சிறப்பாக அமையும் எனவும், அவர்கள் சமூகத்தில் சுயமாக முன்னேற உதவும் எனவும் ரோட்டரி சங்கத்தினர் தெரிவித்தனர். இந்த நிகழ்வு, சமூக நலனுக்காக செயல்படும் ரோட்டரி சங்கத்தின் அர்ப்பணிப்பை வெளிப்படுத்தியதோடு, பொதுமக்களிடமிருந்து பாராட்டுகளையும் பெற்றுள்ளது.