பகவதி அம்மன் கோவில் சுமங்கலி பூஜை

கன்னியாகுமரி மாவட்டத்தில் பிரசித்தி பெற்ற மண்டைக்காடு பகவதி அம்மன் கோவிலில், ஆவணி அஸ்வதி பொங்கல் விழாவின் முக்கிய நிகழ்வாக சுமங்கலி பூஜை நேற்று இரவு விமர்சையாக நடைபெற்றது. இதில் உலக நன்மைக்காகவும், பெண்கள் அனைவரும் தீர்க்க சுமங்கலியாக இருக்க வேண்டியும், அனைவரது குடும்பங்களும் தலைத்தோங்கி வளர, வாழ்வில் எல்லாவித நன்மையும், பெற்று வாழ வேண்டியும் சிறப்பு பூஜை நடந்தது. மேலும் கைலாய மலையில் சிவனும்-பார்வதியும் திருமண கோலத்தில் காட்சியளிக்கும் திருமண நிகழ்ச்சி நடைபெற்றது. அப்போது பெண்கள் லலிதா சஹஸ்ரம நாமம் கூறி தங்கள் கழுத்தில் திருமாங்கல் தாலிக்கயிற்றை கட்டி அம்பாளை வணங்கினர். இதில் ஆயிரத்திற்கும் மேற்பட்ட சுமங்கலி பெண்கள் கலந்து கொண்டனர்.