உங்களுடன் ஸ்டாலின் முகாம், எம்எல்ஏ பங்கேற்பு

செங்கல்பட்டு மாவட்டம்,காட்டாங்கொளத்தூர் ஒன்றியத்திற்குட்பட்ட ஆத்தூர் மற்றும் வில்லியம்பாக்கம் ஊராட்சிகளுக்காக நடைபெற்ற உங்களுடன் ஸ்டாலின் திட்ட முகாமில் செங்கல்பட்டு சட்டமன்ற உறுப்பினர் வரலட்சுமி மதுசூதனன் கலந்து கொண்டு பொதுமக்களின் பல்வேறு கோரிக்கை விண்ணப்பங்களைப் பெற்று அவைகளின் தீர்வுகாண பரிந்துரைகளை வழங்கினார். இந்த நிகழ்ச்சியில் கர்ப்பிணி தாய்மார்களுக்கு ஊட்டசத்து பெட்டகம், முதியோருக்கு மருத்துவ பெட்டகங்கள் உள்ளிட்டவற்றையும் பயனாளிகளுக்கு வழங்கினார்.உடன் காட்டாங்கொளத்தூர் தெற்கு ஒன்றிய செயலாளர் ஆப்பூர் சந்தானம், காட்டாங்கொளத்தூர் ஒன்றிய குழு தலைவர் உதயா கருணாகரன், முகாம் மேற்பார்வையாளர் வேளாண்மை பொறியியல்துறை மாவட்ட உதவி செயற்பொறியாளர் பிரின்ஸ் முத்துராஜ் வட்டார வளர்ச்சி அலுவலர்கள் ,சிறப்பு வட்டாட்சியர், ஊராட்சி மன்ற தலைவர்கள், ஒன்றிய கவுன்சிலர்,துணைத்தலைவர்கள்,கழகம் மற்றும் இளைஞர் அணி நிர்வாகிகள்,துறை சார்ந்த அதிகாரிகள், உள்ளாட்சி பிரதிநிதிகள் மற்றும் பொதுமக்கள் என பலர் இந்நிகழ்வில் கலந்துக்கொண்டனர்.