கோவை விமான நிலையத்தில் சீமான் செய்தியாளர் சந்திப்பு !

கோவை விமான நிலையத்தில் செய்தியாளர்களை சந்தித்த சீமான், இளையராஜாவுக்கு பாரத ரத்னா வழங்கப்பட்டதில் பெருமை எனக் கூறி, அவரை "இசை இறைவன்" எனப் பாராட்டினார். ஆனால் வ.உ.சிதம்பரனார், பாரதியார் போன்றவர்களுக்கு அதே மரியாதை அளிக்கப்படாதது வருத்தமளிக்கிறது என்றார். திருச்சியில் விஜயின் பிரசார கூட்டம் குறித்த கேள்விக்கு, கூட்டங்களை விட கொள்கைகளை மதிக்க வேண்டும் என்றும், பெரிய நடிகர்கள் வந்தாலும் கூட்டம் வருவது இயல்பே எனவும் தெரிவித்தார். மலைகள், குவாரி பிரச்சினைகள், விமான நிலைய விரிவாக்கம் காரணமாக விவசாயம் பாதிக்கப்படும் அபாயம் குறித்து கவலை தெரிவித்துள்ளார். கல்வி தொடர்பாக டெட், நீட் தேர்வுகளை கடுமையாக விமர்சித்து, இத்தகைய முறைகள் திறமையை நிரூபிக்காது என்று கூறினார். மின் கட்டண உயர்வு, சொத்து வரி, தனியார்மையாக்கம், காவேரி பிரச்சினை, இந்தி திணிப்பு உள்ளிட்ட சிக்கல்களுக்கு காங்கிரசும் பாஜகவும் காரணம் என்றும், திமுக-அதிமுக ஆதரவு தந்ததாகவும் குற்றம் சாட்டினார். கூட்டணி வைக்காதே என தொண்டர்களும் மக்கள் வேண்டுகிறார்கள் என்றும் அவர் தெரிவித்தார். 2026 தேர்தலில் அதிகாரம் பெறுவேன் என்று நம்பிக்கை தெரிவித்த சீமான், தற்போதைய அரசியல்வாதிகள் பேப்பரில் எழுதிக் கொண்டு மட்டுமே பேசுகிறார்கள் என்று கிண்டல் செய்தார். விஜய் குறித்த கேள்விக்கு "I am waiting" என்று பதிலளித்து, மே மாதத்தில் முடிவு தெரியும் என்றார்.