டூவீலர் மீது கார் மோதியதில் ஒருவர் பலி, ஒருவர் படுகாயம் , கார் ஓட்டுனர் தலைமறைவு

சேலம் மாவட்டம், வெள்ளார் பகுதியை சேர்ந்தவர் ஆனந்தன், 45. விவசாய கூலி. இவரது ஊர்க்காரர் குமார், 48. இருவரும் வெப்படை பகுதிக்கு வேலைக்கு வந்து விட்டு, திரும்ப வீட்டுக்கு செல்ல வேண்டி, நேற்றுமுந்தினம் மாலை 03:30 மணியளவில், ஆனந்தன் தனது டி.வி.எஸ். ஹெவி டூட்டி வாகனத்தை ஓட்ட, குமார் பின்னாடி உட்கார்ந்து வந்தார். சேலம் கோவை புறவழிச்சாலை , எக்ஸல் கல்லூரி அருகே சாலையை கடக்கும் போது, அவ்வழியாக வேகமாக வந்த மாருதி ஸ்விப்ட் கார், இவர்கள் வந்த வாகனம் மீது மோதியதில் பலத்த காயமடைந்தனர். இருவரும் ஈரோடு தனியார் மருத்துவமனையில் சிகிச்சை பெற்று வந்தனர். இந்நிலையில் நேற்றுமுன்தினம் மாலை 06:00 மணியளவில் ஆனந்தன் இறந்தார். இது குறித்து குமாரபாளையம் போலீசார் வழக்குப்பதிவு செய்து, விபத்தை ஏற்படுத்தி நிற்காமல் சென்ற கார் ஓட்டுனர் குறித்து விசாரணை செய்து வருகின்றனர்.