கரூர் விபத்து – செல்வபெருந்தகை பேட்டி !

கரூர் விபத்து பாதிக்கப்பட்ட குடும்பங்களுக்கு நிவாரணம் வழங்க நேற்று மீண்டும் கரூர் செல்கிறோம் என செல்வபெருந்தகை தெரிவித்தார். உயிரிழந்தோருக்கு நிதி உதவி மற்றும் நிவாரண ஏற்பாடுகள் செய்யப்பட்டுள்ளதாகவும், டெல்லியிலிருந்து ராகுல் காந்தி, மல்லிகார்ஜுன கார்கே ஆகியோரின் பிரதிநிதிகளும் அனுப்பப்பட்டுள்ளதாகவும் கூறினார். விசாரணைக்காக முதலமைச்சர் அருணா ஜெகதீசன் தலைமையில் ஒரு நபர் ஆணையம் அமைத்ததை அவர் பாராட்டினார். அதிமுக ஆட்சியிலும் இதே ஆணையத் தலைவர் நியமிக்கப்பட்டதை குறிப்பிட்டார். “முதலமைச்சர் மின்னல் வேகத்தில் செயல்பட்டு உயிர் சேதங்களை தடுத்தது பாராட்டுக்குரியது,” என்றார். பாஜக முன்னாள் தலைவர் அண்ணாமலை அரசியல் தலையீடு குறித்த குற்றச்சாட்டை மறுத்த அவர், “பிணத்தின் மீது அரசியல் செய்யாதீர்கள். விசாரணை முடிந்த பிறகு உண்மை வெளிவரும்,” என்றார். விஜய் அறிவித்த 20 லட்சம் நிவாரணம் குறித்து “அது அவருடைய விருப்பம்” என பதிலளித்தார். சிபிஐ விசாரணை கோரிய எடப்பாடி பழனிச்சாமி குறித்த கேள்விக்கு, “தூத்துக்குடி துப்பாக்கிச்சூட்டில் இதே அருணா ஜெகதீசனை அதிமுக அரசு நியமித்ததல்லவா?” என எதிர்வினை தெரிவித்தார். “மிகப்பெரிய துயரத்தில் இருக்கிறோம்; மலிவான அரசியல் தவிர்க்கப்பட வேண்டும்,” எனக் கூறி அவர் புறப்பட்டார்.