கோவை, அவிநாசி சாலை மேம்பாலம் மாநில நிதியில் கட்டப்பட்டது – அமைச்சர் எ.வ.வேலு

கோவை அவிநாசி சாலையில் ரூ.1,791 கோடி மதிப்பில் 10.10 கி.மீ நீளத்தில் கட்டப்பட்ட உயர்மட்ட மேம்பாலம் முழுவதும் மாநில அரசின் நிதியிலிருந்து கட்டப்பட்டதாக அமைச்சர் எ.வ.வேலு தெரிவித்துள்ளார். நேற்று மேம்பாலத்தை ஆய்வு செய்த அவர், தமிழக முதல்வர் மு.க.ஸ்டாலின் இதை திறந்து வைத்து, பின்னர் பொதுமக்கள் பயன்பாட்டிற்கு திறக்கவுள்ளதாக கூறினார். மேம்பாலத்திற்கு ஜி.டி. நாயுடு பெயர் வைக்கப்பட்டதை மக்கள் மகிழ்ச்சியுடன் வரவேற்றுள்ளதாகவும், இது மத்திய அரசு நிதியின்றி மாநில நிதியிலேயே உருவாக்கப்பட்ட முக்கியமான திட்டமாகும் என்றும் அவர் தெரிவித்தார்.