சின்ன தாராபுரத்தில் உங்களுடன் ஸ்டாலின் திட்டத்தில் நலத்திட்டங்களை வழங்கி வாழ்த்து தெரிவித்தார் க.பரமத்தி தெற்கு ஒன்றிய செயலாளர் கருணாநிதி.

சின்ன தாராபுரத்தில் உங்களுடன் ஸ்டாலின் திட்டத்தில் நலத்திட்டங்களை வழங்கி வாழ்த்து தெரிவித்தார் க.பரமத்தி தெற்கு ஒன்றிய செயலாளர் கருணாநிதி. கரூர் மாவட்டம் அரவக்குறிச்சி சட்டமன்ற தொகுதிக்குட்பட்ட சின்ன தாராபுரம் எம்ஜிஆர் நகர் பகுதியில் உள்ள தனியார் திருமண மண்டபத்தில் உங்களுடன் ஸ்டாலின் திட்ட முகாம் க.பரமத்தி வட்டார வளர்ச்சி அலுவலர் கிருஷ்ணமூர்த்தி தலைமையில் நடைபெற்றது. இந்த நிகழ்ச்சியில் சிறப்பு அழைப்பாளராக க. பரமத்தி தெற்கு ஒன்றிய செயலாளர் கருணாநிதிகலந்து கொண்டார். மேலும் முன்னாள் உள்ளாட்சி பிரதிநிதிகள் ஊர் பொதுமக்கள் பயனாளிகள் என ஏராளமானோர் கலந்து கொண்டனர். இந்த கூட்டத்தில் கரூர் மாவட்டம் அரவக்குறிச்சி தாலுக்கா க பரமத்தி வட்டாரத்திற்குட்பட்ட சுற்றுவட்டார பகுதியைச் சேர்ந்த பொதுமக்கள் தங்கள் தனிப்பட்ட பிரச்சனைகள் மற்றும் ஊர் பொது பிரச்சனைகள் தொடர்பாகவும் மனுக்களை அளித்தனர். மனுக்களை பெற்றுக் கொண்ட அரசு துறை அதிகாரிகள் தகுதி வாய்ந்த மனுக்களை உடனுக்குடன் தேர்வு செய்து பயனாளிகளுக்கு நலத்திட்டங்களை வழங்க பரிந்துரை செய்தனர். தேர்வு செய்யப்பட்ட பயனாளிகளுக்கு க. பரமத்தி தெற்கு ஒன்றிய திமுக செயலாளர் கருணாநிதி க.பரமத்தி வட்டார வளர்ச்சி அலுவலர் கிருஷ்ணமூர்த்தி ஆகியோர் நலத்திட்டங்களை வழங்கி வாழ்த்து தெரிவித்தனர்.