எம்பி ராஜேஷ்குமார் முன்னிலையில் திமுகவில் இணைந்த மாற்றுக்கட்சியினர்...

ராசிபுரம் அருகேயுள்ள வெண்ணந்தூர் ஊராட்சிக்கு உட்பட்ட கட்டனாச்சம்பட்டி பகுதியை சேர்ந்த பல்வேறு கட்சியினர் தங்களை திமுகவில் இணைத்துக்கொண்டனர். நாமக்கல் மாவட்டம் வெண்ணந்தூர் ஊராட்சி ஒன்றிய திமுக செயலர் ஆர்.எம்.துரைசாமி தலைமையில், நாமக்கல் கிழக்கு மாவட்ட பாமக மாணவரணி பி.மாதேஸ், அதிமுகவை சேர்ந்த கட்டனாச்சம்பட்டி ஊராட்சி மன்ற முன்னாள் உறுப்பினர்கள் ஆர்.ஜெகதாம்பாள், எம்.சசிகலா ஆகியோர் உள்ளிட்ட 25 பேர் தங்களை மாவட்ட திமுக செயலாளரும், மாநிலங்களவை உறுப்பினர் கே.ஆர்.என்.ராஜேஸ்குமார் முன்னிலையில் திமுகவில் இணைத்துக் கொண்டனர். இதில் கட்டனாச்சம்பட்டி திமுக ஒன்றியப் பிரதிநிதி யுவராஜ், சார்பு அணி துணை அமைப்பாளர் பூபாலன், கிளை நிர்வாகிகள் சக்திவேல், பெருமாள், நல்லதம்பி, பெரியசாமி உள்ளிட்டோரும் பங்கேற்றனர்.