மகாத்மா நினைவு தினத்தை காங்கிரஸ் தொண்டர்கள் அனுசரிக்க வேண்டும்! நாமக்கல் கிழக்கு மாவட்ட காங்கிரஸ் தலைவர் டாக்டர் செந்தில் கட்சியினருக்கு வேண்டுகோள்

மகாத்மா காந்தியின் நினைவு தினமான ஜனவரி.30 -ஆம் நாளை காங்கிரஸ் தொண்டர்கள் அந்த அந்த பகுதியில் அனுசரிக்க வேண்டும் என்று நாமக்கல் கிழக்கு மாவட்ட தலைவர் டாக்டர் செந்தில் வேண்டுகோள் விடுத்துள்ளாா் இதுகுறித்து அவர் வெளியிட்டுள்ள செய்திக்குறிப்பில் கூறியிருப்பதாவது...தேசப்பிதா மகாத்மா காந்தியின் நினைவு தினத்தை முன்னிட்டு, அனைத்து காங்கிரஸ் கட்சித் தொண்டர்களும் தங்கள் பகுதிகளில் உள்ள மகாத்மா காந்தியின் சிலை அல்லது புகைப்படத்திற்கு மாலை அணிவித்து மரியாதை செலுத்தவும், தேசத்திற்காக அவர் செய்த உயர்ந்த தியாகத்தை நினைவுகூரும் வகையிலும் இரண்டு நிமிட மௌன அஞ்சலி செலுத்தவும் கேட்டுக் கொள்ளப்படுகிறார்கள்.மேலும்,

நாமக்கல் கிழக்கு மாவட்ட காங்கிரஸ் கட்சி சார்பாக, காலை 10.00 மணிக்கு கிழக்கு மாவட்ட தலைமையகத்தில் நாமக்கல் உழவர் சந்தை அருகில் உள்ள மகாத்மா காந்தி சிலைக்கு அஞ்சலி செலுத்தும் நிகழ்ச்சி நடைபெறும்.நாமக்கல் மாநகரில் உள்ள கட்சி உறுப்பினர்கள், மூத்த தலைவர்கள் மற்றும் தொழிலாளர்கள் இந்த நிகழ்ச்சியில் பங்கேற்குமாறு தாழ்மையுடன் கேட்டுக்கொள்ளப்படுகிறார்கள். காந்திஜியின் உண்மை, அகிம்சை மற்றும் மக்களுக்கு சேவை செய்தல் ஆகிய கொள்கைகளுக்கு நமது உறுதிப்பாட்டை மீண்டும் உறுதிப்படுத்துவோம். இவ்வாறு அவர் அந்த செய்தி குறிப்பில் தெரிவித்துள்ளார்.