பழைய கோட்டை மாட்டுத்தாவணியில் ரூ 10 லட்சத்திற்கு மாடுகள் விற்பனை

காங்கேயம் நத்தக்கடையூர் அருகே பழைய கோட்டை மாட்டுத்தாவணியில் காங்கேயம் மாட்டுச்சந்தை நடைபெற்று வருவது வழக்கம். இதில் திருப்பூர், ஈரோடு, கரூர், கோவை மாவட்டங்களைச் சேர்ந்த விவசாயிகள் மொத்தம் 63 காங்கேயம் இன மயிலை செவலை மாடுகள், பூச்சி காளைகள், இளங்கன்றுகள் ஆகியவற்றை விற்பனைக்கு கொண்டு வந்தனர். இந்த சந்தையில் விற்பனைக்காக அதிகபட்சமாக 9 மாத சினையுடன் ரூ 60,000 க்கு காங்கேய இன மயிலை பசுமாடு விற்பனை செய்யப்பட்டது. மேலும் நேற்று ஒரே நாளில் 26 காங்கேயம் மாடுகள் மொத்தம் ரூ.10 லட்சத்துக்கு விற்பனை செய்யப்பட்டது.