அரசு கலைக்கல்லூரியில் புதிய 10 வகுப்பறைகளுக்கு அடிக்கல் நாட்டிய தமிழக முதல்வர்

நாமக்கல் மாவட்டம் குமாரபாளையம் அரசு கலை மற்றும் அறிவியல் கல்லூரியில் பெருந்தலைவர் காமராஜர் கல்லூரி மேம்பாட்டு திட்டத்தின் கீழ் புதியதாக கட்டப்படவுள்ள 10 கூடுதல் வகுப்பறைகள், இரண்டு கழிவறைகளுக்கு 4.25 கோடி ரூபாய் திட்ட மதிப்பீட்டில், ஒப்புதல் அளிக்கப்பட்டது. நேற்று காலை தமிழக முதல்வர் ஸ்டாலின், சென்னையில் தலைமை செயலகத்தில் காணொளி காட்சி மூலம் கட்டுமான பணிகளுக்கு அடிக்கல் நாட்டினார். இதில் கல்லூரி முதல்வர் சரவணாதேவி தலைமை வகித்தார். சிறப்பு அழைப்பாளராக திருச்செங்கோடு ஆர்.டி.ஒ. சுகந்தி பங்கேற்று, வாழ்த்தி பேசினார். இந்நிகழ்ச்சியில் பேராசிரிய பெருமக்கள், மாணவ, மாணவியர்கள் பெருமளவில் பங்கேற்றனர்.