கோவை: ஆற்றில் குளிக்கச் சென்ற 12ம் வகுப்பு மாணவன் உயிரிழப்பு

கோவை, தொண்டாமுத்தூர் அருகே சித்திரை சாவடி தடுப்பணையில், நொய்யல் ஆற்றில் குளிக்கச் சென்ற 12ம் வகுப்பு மாணவன் பிரித்விராஜ் (வயது 17) நேற்று நீரில் மூழ்கி உயிரிழந்தார். மாவட்ட நிர்வாகம் மழை காரணமாக ஆற்றில் இறங்க வேண்டாம் என எச்சரிக்கை விடுத்திருந்த நிலையில், மாணவனுடன் சென்ற ஒன்பது நண்பர்கள் அவதானிக்காமல் ஆற்றில் இறங்கினர். ஆழமான பகுதியில் சேற்றில் சிக்கிய மாணவர் நீரில் மூழ்க, தீயணைப்புத் துறையினர் தகவலறிந்து விரைந்து சென்று ஒருமணிநேர போராட்டத்துக்குப் பிறகு உடலை மீட்டனர். சம்பவம் பெரும் சோகத்தை ஏற்படுத்தியுள்ளது.