தமிழகத்தில் ஜூலை 12 வரை மிதமான மழைக்கு வாய்ப்பு

இது தொடர்​பாக சென்னை வானிலை ஆய்வு மையம் வெளி​யிட்ட செய்​திக்​குறிப்​பில், தமிழகம் நோக்கி வீசும் மேற்கு திசைக் காற்​றில் நில​வும் வேக மாறு​பாடு காரண​மாக இன்று முதல் வரும் 11-ம் தேதி வரை தமிழகத்​தில் ஓரிரு இடங்​களி​லும், 12-ம் தேதி சில இடங்​களி​லும் லேசானது முதல் மித​மான மழை பெய்​யக்​கூடும். தமிழகத்​தில் இன்று முதல் 9-ம் தேதி வரை சில இடங்​களில் அதி​கபட்ச வெப்​பநிலை வழக்​கத்​தை​விட 5 டிகிரி ஃபாரன்​ஹீட் அதி​க​மாக இருக்​கக்​கூடும். சென்னை மற்​றும் புறநகர் பகு​தி​களில் இன்று வானம் ஓரளவு மேகமூட்​டத்​துடன் காணப்​படும். நகரின் சில பகு​தி​களில் லேசான அல்​லது மித​மான மழை பெய்ய வாய்ப்​புள்​ளது. அதி​கபட்ச வெப்​பநிலை 102 டிகிரி, குறைந்​த​பட்ச வெப்​பநிலை 84 டிகிரி ஃபாரன்​ஹீட் அளவில் இருக்​கும். தென் தமிழக கடலோர பகு​தி​கள், மன்​னார் வளை​குடா மற்​றும் அதையொட்​டிய குமரிக்​கடல் பகு​தி​களில் இன்​றும், நாளை​யும் மணிக்கு 45 முதல் 55 கி.மீ. வேகத்​தி​லும், இடை​யிடையே 65 கி.மீ. வேகத்​தி​லும் சூறாவளிக் காற்று வீசக்​கூடும். எனவே, இப்​பகு​தி​களுக்கு மீனவர்​கள் செல்ல வேண்​டாம் என அறி​வுறுத்​தப்​படு​கிறார்​கள். தமிழகத்​தில் நேற்று காலை 8.30 மணி​யுடன் நிறைவடைந்த 24 மணி நேரத்​தில் பதி​வான மழை அளவு​களின்​படி அதி​கபட்​ச​மாக நீல​கிரி மாவட்​டம் விண்ட் வொர்த் எஸ்​டேட், பந்​தலூர், அவலாஞ்​சி, பார்​வூட், நடு​வட்​டம் ஆகிய இடங்​களில் 3 செமீ, கோவை மாவட்​டம் சின்​னக்​கல்​லாறு, சின்​கோ​னா, வால்​பாறை, உபாசி, சோலை​யாறு, நீல​கிரி மாவட்​டம் தேவாலா, மேல் பவானி, வூட் பிரையர் எஸ்​டேட், கிருஷ்ணகிரி மாவட்​டம் தளி ஆகிய இடங்​களில் 2 செ.மீ. மழை பதி​வாகி​யுள்​ளது.