வாலிபருக்கு 13 ஆண்டுகள் சிறை, ரூ15 ஆயிரம் அபராதம்

திண்டுக்கல் மாவட்டம் நத்தம் அனைத்து மகளிர் காவல் நிலைய எல்லைக்கு உட்பட்ட பகுதியைச் சேர்ந்த சிறுமியை கடந்த 2019-ம் ஆண்டு ஆசை வார்த்தை கூறி கடத்தி சென்று பாலியல் தொல்லை கொடுத்ததாக நத்தம், செந்துறையை அடுத்த நல்லபிச்சம்பட்டியை சேர்ந்த பொன்னன் மகன் ராகுல் (எ) பாண்டி(30) என்பவரை நத்தம் போலீசார் போக்சோவில் கைது செய்து சிறையில் அடைத்தனர். இந்நிலையில் இவ்வழக்கு திண்டுக்கல் விரைவு மகிளா நீதிமன்றத்தில் விசாரணையில் இருந்து வந்த நிலையில் நத்தம் காவல் நிலைய ஆய்வாளர் சிவராமகிருஷ்ணன் தலைமையிலான போலீசார் மற்றும் அரசு வழக்கறிஞர் ஜோதி ஆகியோரின் சீரிய முயற்சியால் இன்று மகிளா நீதிமன்ற நீதிபதி சரண் அவர்கள், ராகுல்(எ) பாண்டிக்கு 13 ஆண்டுகள் சிறை தண்டனை, ரூ.15 ஆயிரம் அபராதம் விதித்து தீர்ப்பு வழங்கினார்.