பரமத்தி வேலூரில் ரூ.14 லட்சத்திற்கு தேங்காய் பருப்பு ஏலம்.

பரமத்தி வேலூர், மார்ச். 28: பரமத்தி வேலூர், பொத்தனூர் வெங்கமேட்டில் உள்ள மின்னணு தேசிய வேளாண்மை சந்தையில் வியாழக்கிழமை நடைபெற்ற ஏலத்தில் ரூ. 14 லட்சத்து 45 ஆயிரத்திற்கு கொப்பரை விற்பனையானது. கடந்த வாரம் வியாழக்கிழமை நடைபெற்ற ஏலத்திற்கு 8 ஆயிரத்து 925 கிலோ கொப்பரையை விவசாயிகள் கொண்டு வந்திருந்தனர். இதில் அதிகபட்சமாக கிலோவுக்கு ரூ.171.69 க்கும், குறைந்தபட்சமாக ரூ.157.01 க்கும், சராசரியாக ரூ.170.90 க்கும் ஏலம் போனது. இரண்டாம் தர கொப்பரை அதிகபட்சமாக ரூ.148.39-க்கும், குறைந்தபட்சமாக ரூ.133.45-க்கும், சராசரியாக ரூ. 143.45-க்கும் ஏலம் போனது. மொத்தம் ரூ.14 லட்சத்து 45 ஆயிரத்து 850க்கு கொப்பரை ஏலம் போனது. வியாழக்கிழமை நடைபெற்ற ஏலத்திற்கு 9 ஆயிரத்து 275 கிலோ கொப்பரையை விவசாயிகள் கொண்டு வந்திருந்தனர். இதில் அதிகபட்சமாக கிலோவுக்கு ரூ. 185.20-க்கும், குறைந்தபட்சமாக ரூ.140.19க்கும், சராசரியாக ரூ.183.50க்கும் ஏலம் போனது. இரண்டாம் தர கொப்பரை அதிகபட்சமாக ரூ.138.99க்கும், குறைந்தபட்சமாக ரூ.105.99க் சராசரியாக ரூ.133.99க்கும் ஏலம் போனது. மொத்தம் ரூ. 14 லட்சத்து 37 ஆயிரத்து 625க்கு கொப்பரை விற்பனையானது.