ஆடி 18  முன்னிட்டு கபிலர்மலை முத்துக்குமாரசாமி கோவில் திருவிழா.

பரமத்தி வேலூர் :30- பரமத்தி வேலூர் தாலுகா கபிலர்மலையில் அமைந்துள்ள முத்துக்குமாரசுவாமி கோவில் திருவிழா ஆடி 18 முன்னிட்டு மூன்று நாட்கள் மிக சிறப்பாக நடைபெறுகிறது. விழாவை முன்னிட்டு ஆகஸ்ட் மாதம் 3 ஆம் தேதி காலை கணபதி ஹோமமும், மதியம் சிறப்பு பூஜை நடைபெறுகிறது. தொடர்ந்து ஆகஸ்ட் 4ஆம் தேதி காலை 8 மணிக்கு காவிரி ஆற்றுக்கு சென்று தீர்த்தக் குடம் அழைத்து வருதல்,மதியம் 12 மணிக்கு அபிஷேக ஆராதனை, மாலை 5 மணிக்கு பொங்கல் வைத்தல் மாவிளக்கு பூஜை நடைபெறுகிறது. அதனைத் தொடர்ந்து இரவு 8 மணிக்கு சுவாமி மயில்வாகனத்தில் திருவீதி உலா வரும் நிகழ்ச்சி நடைபெறுகிறது. விழாவிற்கான ஏற்பாடுகளை விழாக் குழுவினர் மற்றும் ஊர் பொதுமக்கள் செய்து வருகின்றனர்.