மங்கலம்பேட்டையில் மது பாட்டில்கள் விற்ற 2 பேர் கைது

கடலூர் மாவட்டம் மங்கலம்பேட்டை சப் இன்ஸ்பெக்டர் சண்முகம் தலைமையிலான போலீசார் மங்கலம்பேட்டை பகுதியில் ரோந்து பணியில் ஈடுபட்டிருந்தனர். அப்போது எம். அகரம் பாலம் அருகே அனுமதி இன்றி மதுபாட்டில் விற்றுக் கொண்டிருந்த எம். அகரம் கிராமத்தைச் சேர்ந்த பன்னீர்செல்வம் மகன் சக்திவேல் (44) என்பவரை பிடித்து அவர் மீது வழக்கு பதிவு செய்து கைது செய்து அவரிடம் இருந்து 5 மது பாட்டில்கள் மற்றும் 1180 ரூபாய் பணத்தை பறிமுதல் செய்தனர். இதே போல மங்கலம்பேட்டை புது நெசவாளர் தெருவைச் சேர்ந்த பாலகிருஷ்ணன் மகன் ஜெயக்குமார் (55) என்பவர் பள்ளிப்பட்டு பஸ் நிறுத்தம் அருகே அரசு மதுபான பாட்டில்களை அனுமதி இன்றி விற்ற குற்றத்திற்காக அவரை பிடித்து, கைது செய்து அவரிடம் இருந்த 3 மது பாட்டில்கள், ரூபாய் 400 பணத்தை பறிமுதல் செய்து விசாரணை நடத்தி வருகின்றனர்.