நத்தத்தில் கஞ்சா விற்ற 2 பேர் கைது

திண்டுக்கல் மாவட்டம், நத்தம் பகுதியில் கஞ்சா விற்பனை நடப்பதாக நத்தம் போலீஸாருக்கு ரகசிய தகவல் கிடைத்தது. அதன் பேரில் நத்தம் பேருந்து நிலைய பகுதியில் காவல் ஆய்வாளர் தங்கமுனியசாமி, உதவி காவல் ஆய்வாளர் கிருஷ்ணகுமார் உள்ளிட்ட போலீஸார்கள் ரோந்து சென்றனர். அப்போது பேருந்து நிலையம் முன்பாக கஞ்சா விற்பனை செய்து கொண்டிருந்த மூங்கில்பட்டியை சேர்ந்த பாரதி (23), தினேஷ் (19) ஆகிய 2 பேரை போலீஸார் கைது செய்தனர். மேலும் அவர்களிடம் இருந்து 100 கிராம் கஞ்சா பறிமுதல் செய்யப்பட்டது.