ராசிபுரம் அருகே ஆடு திருடிய 2 பேர் கைது

நாமக்கல் மாவட்டம் ராசிபுரம் அடுத்த நாமகிரிப்பேட்டை அருகே உள்ள தண்ணீர்பந்தல்காடு பகுதியை சேர்ந்தவர் கந்தசாமி(60) இவர் தனது விவசாய நிலத்தில் ஆடு, மாடு உள்ளிட்டவைகளை வளர்த்து வருகிறார். இதில் நேற்று அதிகாலை கந்தசாமி விவசாய நிலத்தில் கட்டப்பட்டிருந்த ஆடுகளை 2 இளைஞர்கள் இருசக்கர வாகனத்தில் வந்து ஆடுகளை திருடி செல்வதை கண்டு அதிர்ச்சி அடைந்து கூச்சிலிட்டார்.அக்கம் பக்கத்தினர் வருவதற்குள் இருசக்கர வாகனத்தில் வந்த 2 நபர்கள் தப்பிச் சென்ற நிலையில் சம்பவம் தொடர்பாக கந்தசாமி நாமகிரிப்பேட்டை காவல் நிலையத்தில் புகார் அளிக்கவே புகாரைப் பெற்ற காவல் துறையினர் விசாரணை மேற்கொண்டு வந்த நிலையில் அப்போது ரோந்து பணியில் ஈடுபட்டிருந்தபோது போலீசார் இருசக்கர வாகனத்தில் ஆடுகளை ஏற்றி வந்த வாகனத்தை தடுத்து நிறுத்தி விசாரணை மேற்கொண்டனர். விசாரணையில் சீராப்பள்ளி காந்திநகர் பகுதியை சேர்ந்த ராஜா என்பவர் மகன் பாலகிருஷ்ணன்(41), மங்களபுரம் பகுதியை சேர்ந்த அருணாச்சலம் என்பவர் மகன் பவித்ரன் (29)என்பது தெரியவந்து பின்னர் இருவரிடம் இருந்து ஆடுகளை மீட்டு போலீசார் இருவரை கைது செய்து சிறையில் அடைத்தனர்.