கோவையில் 2 கிலோ கஞ்சா பறிமுதல்: இருவர் கைது !

கோவை கோவில்பாளையம் பகுதியில் கஞ்சா விற்பனை குறித்து கிடைத்த தகவலின் பேரில் போலீசார் சோதனை நடத்தியனர். இதில், தேனி மாவட்டத்தைச் சேர்ந்த நேரு மற்றும் கோவையின் கீரணத்தம் பகுதியைச் சேர்ந்த சுதர்சன் ஆகியோர் கைது செய்யப்பட்டனர். அவர்களிடம் இருந்து 2 கிலோ கஞ்சா மற்றும் ஒரு நான்கு சக்கர வாகனம் பறிமுதல் செய்யப்பட்டது. இருவரும் நீதிமன்றத்தில் ஆஜர்படுத்தப்பட்டு கோவை மத்திய சிறையில் அடைக்கப்பட்டனர். போதைப்பொருள் விற்பனை உள்ளிட்ட சட்டவிரோத நடவடிக்கைகள் மீது கடும் நடவடிக்கை எடுக்கப்படும் என காவல் கண்காணிப்பாளர் எச்சரித்துள்ளார்.