தஞ்சையில் விவசாயிகள் குறை தீர்க்கும் கூட்டம் வரும் 24-ம் தேதி நடக்கிறது

தஞ்சாவூர் கோட்ட விவசாயிகளுக்கான குறை தீர்க் கூட்டம் வரும் 24 ஆம் தேதி நடக்கிறது இதுகுறித்து, வருவாய் கோட்டாட்சியர் செ.இலக்கியா வெளியிட்டுள்ள செய்திக்குறிப்பு: தஞ்சாவூர் கோட்டத்திற்கு உட்பட்ட கோட்ட அளவிலான விவசாயிகள் குறைதீர்க்கும் நாள் கூட்டம் வருகின்ற 24.12:24 செவ்வாய்கிழமை முற்பகல் 10.00 மணியளவில் தஞ்சாவூர் வருவாய் கோட்ட அலுவலகத்தில் நடைபெற உள்ளது. எனவே, தஞ்சாவூர் கோட்டத்திற்குட்பட்ட தஞ்சாவூர், திருவையாறு, பூதலூர் மற்றும் ஒரத்தநாடு வட்ட விவசாயிகள் இக்கூட்டத்தில் கலந்து கொண்டு பயன்பெறும்படி வருவாய் கோட்டாட்சியர் செ.இலக்கியா தெரிவித்துள்ளார்.