பரணி பார்க் பள்ளி 25 ஆம் ஆண்டு விளையாட்டு விழாவை முன்னிட்டு சிலம்பம் சுழற்றும் போட்டி நடைபெற்றது.

பரணி பார்க் பள்ளி 25 ஆம் ஆண்டு விளையாட்டு விழாவை முன்னிட்டு சிலம்பம் சுழற்றும் போட்டி நடைபெற்றது. கரூர் அடுத்த வெண்ணைமலை பகுதியில் செயல்படும் பரணி பார்க் கல்வி குழுமத்தில் 2024 - 25 ஆற்றல் சார் 25 ஆம் ஆண்டு வெள்ளி விழாவை முன்னிட்டு, 25 ஆம் ஆண்டு விளையாட்டு விழா பரணி பார்க் வித்யாலயா விளையாட்டு திடலில், மாவட்ட வருவாய் அலுவலர் கண்ணன் தலைமையில் நடைபெற்றது. இந்த நிகழ்ச்சியில் பள்ளியின் தாளாளர் மோகனரங்கன், பள்ளியின் செயலாளர் பத்மாவதி மோகனரங்கன், பள்ளியின் முதன்மை முதல்வர் ராமசுப்பிரமணியன் உள்ளிட்ட பள்ளியின் இருபால் ஆசிரியர்கள், மாணவ- மாணவிகள் என ஏராளமானோர் கலந்து கொண்டனர். இன்று நடைபெற்ற நிகழ்ச்சியில் பல்வேறு விளையாட்டு போட்டிகள், நமது பண்பாட்டு கலாச்சாரங்கள் விளக்கும் நிகழ்ச்சிகள் நடைபெற்றது. விளையாட்டு போட்டியில் வெற்றி பெற்ற மாணவ - மாணவிகளுக்கு பரிசுகளும் வழங்கப்பட்டது. இந்த விளையாட்டு போட்டியில் சிலம்பம் சுழற்றும் போட்டியில் பங்கேற்றமானவர்கள் தங்களது திறன்களை வெளிப்படுத்தும் விதமாக சிலம்பத்தை வெகு லாவகமாக சுழற்றி, தங்களது திறமையை வெளிப்படுத்தினர்.