மூதாட்டியிடம் நகை பறித்த 3 பேர் கைது

மூதாட்டியிடம் நகை பறித்த 3 பேர் கைது கோபி அருகே உள்ள கலிங்கியத்தை சேர்ந்தவர் மாராக்காள் (வயது 83). கடந்த மாதம் 28-ந் தேதி மாராக்காள் வீட்டு வாசலில் நின்றுகொண்டு இருந்தார். அப்போது மோட்டார்சைக்கிளில் வந்த 3 பேர் திடீரென மாராக்காள் கழுத்தில் அணிந்திருந்து 3 பவுன் சங்கிலியை பறித்துக்கொண்டு சென்றுவிட்டனர். இதுகுறித்து அவர் கோபி போலீசில் புகார் அளித்தார். அதன்பேரில் போலீசார் வழக்குப்பதிவு செய்து கொள்ளையர்களை தேடி வந்தனர் இந்தநிலையில் கோபி அருகே உள்ள வேட்டைக்காரன் கோவில் பகுதியில் போலீசார் நேற்று வாகன சோதனையில் ஈடுபட்டு இருந்த னர். அப்போது அந்த வழியாக ஒரு மோட்டார் சைக்கிளில் வந்த 3 பேரை போலீசார் சந்தேகத்தின் பேரில் பிடித்து விசாரித்தனர். அதில் அவர்கள் கவுந்தப்பாடியை சேர்ந்த துரைசாமி (34), ராஜு (41), சிவக்குமார் (34) என்பதும், அவர்கள்தான் மாராக்காளிடம் இருந்து நகை பறித்தது என்றும் தெரிந்தது. இதையடுத்து 3 பேரையும் போலீசார் கைது செய்தனர்.